ramanibabu.blogspot.com: பவானி வட்டார தமிழ்நாடு தொடக்கப்பள்ளி ஆசிரியர் கூட்டணி சார்பில் இலவச NMMS பயிற்சி

Sunday 10 December 2023

பவானி வட்டார தமிழ்நாடு தொடக்கப்பள்ளி ஆசிரியர் கூட்டணி சார்பில் இலவச NMMS பயிற்சி

பவானி TESTF சார்பில் NMMS பயிற்சி:

தமிழ்நாடு தொடக்கப்பள்ளி ஆசிரியர் கூட்டணி ஈரோடு மாவட்டம், பவானி வட்டாரக்கிளையின் சார்பில் இன்று NMMS இலவச பயிற்சி முகாம் தொடக்க விழா பவானியில் நடைபெற்றது.

வட்டாரத் தலைவர்& மாநில செயற்குழு உறுப்பினர் திரு புகழேந்தி தலைமை தாங்கினார்.

வட்டார செயலாளர் திரு ஜான்ஷா வரவேற்புரையாற்றினார்.

பேரியக்கத்தின் பொதுச்செயலாளர் வி.எஸ்.முத்துராமசாமி அவர்கள் கலந்துகொண்டு குத்துவிளக்கு ஏற்றி விழாவை தொடங்கி வைத்து மாணவர்களுக்கு வாழ்த்துரை வழங்கினார்.

விழாவில் பவானி வட்டாரக் கல்வி அலுவலர் திரு கேசவன், மாநில பொதுக்குழு உறுப்பினர் விஜயகுமார், பவானி வட்டார கிளையின் சார்பில் இன்று பயிற்சி அளிக்க உள்ள மகேஷ் குமார், சிவக்குமார், சத்தியபாமா, சுமதி, கார்த்திகேயன் ஆகியோர் கலந்து கொண்டனர்.

இன்று ஒன்பதாவது ஆண்டாக இந்த பயிற்சியை மாணவர்களுக்கு பவானி வட்டாரக்கிளையின் சார்பில் பெரும் முயற்சி எடுத்து இலவசமாக வழங்கி வருகின்றனர்.ஜான்ஷா,புகழேந்தி மற்றும் NMMS பயிற்சியளிக்கும் ஆசிரியர்களுக்கு பொதுச்செயலாளர் நெஞ்சம் நிறைந்த வாழ்த்துக்களை கூறினார்.