தங்கள் பாட/கற்பித்தல் திறன் வாயிலாக மாநிலத்திற்கு கற்றல் கற்பித்தல் சார்ந்து பங்களிக்க ஆர்வமுடைய விருப்பமுடைய அரசு/அரசு உதவி பெறும் உயர்நிலை/ மேல்நிலைப்பள்ளி தலைமை ஆசிரியர்கள்/ஆசிரியர்கள் தேவை
விருப்பமுள்ள ஆசிரியர்கள் கீழே வழங்கப்பட்டுள்ள லிங்க் மூலம் சென்று கொடுக்கப்பட்ட படிவத்தினை பூர்த்தி செய்துகொள்ளுங்கள்
தங்கள் பள்ளியிலிருந்து/ இருப்பிடத்திலிருந்து பணிபுரிய/பங்களிக்க முடியும்.
இது குறித்து தமிழ்நாடு பள்ளிக்கல்வித்துறை இயக்குனர் அவர்களின் செயல்முறைகள் கீழே கொடுக்கப்பட்டுள்ளது
மாணவர், மொழிப்பாடங்கள் மற்றும் கணித செயல்பாடுகளில் அடிப்படைத் திறனை உறுதி செய்திடும் பொருட்டு 2023 - 2024 ஆம் கல்வியாண்டில் 'இணைப்புப் பயிற்சியும்' 2024 - 2025 ஆம் கல்வியாண்டில் Focus Learners திட்டமும் 2025 - 2026 கல்வியாண்டில் அரசு நடுநிலை, உயர்நிலை மற்றும் மேல்நிலைப் பள்ளிகளில் 6,7,8 மற்றும் 9 வகுப்புகளில் பயின்ற மாணவர்களுக்கு அடிப்படைக் கற்றலில் திறன் அடைவு பெறுவதற்குப் பள்ளிகளில் முறையான வகுப்புகள் திறன் திட்டமும் பள்ளிக் கல்வித்துறை மற்றும் தொடக்கக் கல்வி இயக்குநர்களின் ஆணையின்படி, மாவட்ட நிருவாகக் குழுவின் பங்களிப்போடு, மாநில ஒருங்கிணைப்புக் குழுவின் வழிகாட்டுதல்களுடன், தலைமையாசிரியர்கள் ஆசிரிய ஒருங்கிணைப்பாளர்கள் வழி கொண்டு சீரிய முறையில் நடத்தப்பட்டு, பெரும்பான்மையான மாணவர்கள் கற்றலில் திறன் அடிப்படையில் கற்றல் விளைவுகளைப் பெற்று முழு அடைவு பெற்றனர்.
இந்நிலையில் 6 முதல் 12 வரை பயிலும் மாணவர்களுக்கு அடிப்படைக் கற்றல் விளைவுகளுடன் அனைத்துக் கற்றல் விளைவுகளையும் உறுதிப்படுத்தும் வகையில் 2026 -2027 ஆம் கல்வியாண்டில் கற்றல் கற்பித்தல் வழிகாட்டுதல் குழு மூலம் கீழ்க்கண்ட பணிகள் மாவட்ட அளவில் நடைபெற ஏதுவாக சென்ற ஆண்டு பணியாற்றிய மாநில நிருவாக ஒருங்கிணைப்புக் குழு தொடர்ந்து இக்கல்வியாண்டும் செயல்பட அறிவுறுத்தப்படுகிறது.
பாட மற்றும் நிருவாக ஒருங்கிணைப்புக் குழுவின் பணிகளாவன
👉2026 - 27ஆம் கல்வி ஆண்டில் கற்றல் கற்பித்தல் வழிகாட்டுதல் குழு அமைக்க 6 முதல் 10 வகுப்பு வரை தலைமை ஆசிரியர்கள், பட்டதாரி ஆசிரியர்கள் மற்றும் 11, 12 வகுப்புகளுக்குத் தலைமை ஆசிரியர்கள், முதுகலை ஆசிரியர்கள் தன்னார்வத்துடன் பங்கேற்க விருப்பமுள்ளவர்களின் பட்டியலைத் தயாரித்தல்.
👉கற்றல் கற்பித்தல் வழிகாட்டுதல் குழு மூலம் திறன் குறைவான மாணவர்களுக்கு முதல் பருவத்திற்குள் அடிப்படை கற்றல் அடைவு பெற வழி செய்தல்
👉ஒருங்கிணைப்புப் பணிகளுக்காக நியமிக்கப்பட்ட மாவட்ட மற்றும் வட்டார குழுக்கள் மூலம் (Whatsapp Group) அடிப்படை விவரங்கள் பெறுதல்
👉அனைத்து விதமான போட்டித் தேர்வுகளையும் மாணவர்கள் எதிர்கொள்ளும் வகையிலும், மாணவர்களின் பங்கேற்பு ஆண்டுக்கு ஆண்டு அதிகரிக்கும் வகையிலும் ஐந்தாண்டுத் திட்டம் தயாரித்தல் மற்றும் கல்வியாண்டு செயல்பாடுகளை மாதவாரியாக திட்டமிடுதல்
👉மாணவர்களுக்கு அனைத்துக் கற்றல் விளைவுகளும் சென்றடைய மாவட்ட கற்றல் கற்பித்தல் வழிகாட்டுதல் குழுவில் உள்ள திறமையான, 6 முதல் 12 வகுப்பு வரை பாடத்திட்டத்தில் தொடர்ச்சியை நன்கு அறிந்த ஓர் ஆசிரியரை முதன்மைக் கருத்தாளராகக் கொண்டு, உயர்நிலை அளவில் 5 பாடங்களையும் மேல்நிலை அளவில் 12 பாடங்களையும் கருத்துப் பரிமாற்றம் செய்து வலுவூட்ட ஒருங்கிணைப்புப் பணி மேற்கொள்ளுதல்
👉முதன்மைக் கல்வி அலுவலர் /மாவட்ட கல்வி அலுவலர்களது பள்ளிப்பார்வையின் போது காணப்பட்ட குறை மற்றும் நிறைகள் மாதந்தோறும் செயல்முறைகளாக (PROCEEDINGS) அனைத்துப் பள்ளிகளுக்கும் அனுப்பப்பட்டதை உறுதி செய்தல்
👉முதன்மைக் கல்வி அலுவலர்கள் பள்ளி பார்வையின் போது தலைமை ஆசிரியரின் பணி மற்றும் பாட ஆசிரியரின் கற்பித்தல் பணி சிறப்பாக இருப்பின் அவர்களைப் பாராட்டும் விதமாகப் பாராட்டுச் சான்றிதழ் (இணைப்பு-3) கொடுக்கத் தேவையான நடவடிக்கை எடுத்தல் மற்றும் சிறப்பாகச் செயல்பட்ட வட்டாரங்களில் அவர்கள் பின்பற்றிய முறைகள் தொகுக்கப்பட்டு, பிற மாவட்டங்களுக்கு அந்த வழிமுறைகள் மாநில நிருவாகக் குழு மூலம் வழங்குதல்
👉மாதத் தேர்வு, காலாண்டு, அரையாண்டுத் தேர்வுகள் நடைபெறும் போது மாணவர்கள் தானாக நன்முறையில் தேர்வெழுதித் தேர்ச்சி பெற ஊக்கப்படுத்தும் வகையில் இக்குழு முறையான களம் ஏற்படுத்தும் பணியை மேற்கொள்ளுதல்
👉ஒவ்வொரு மாதத்தின் இறுதி வாரத்தில் மாநில அளவில், மாவட்ட அளவில் நடைபெற்ற செயல்பாடுகளை பகுப்பாய்வு செய்து, ஒப்பிட்டு அறிக்கையைத் தயாரித்தல்
👉பெறப்பட்ட தரவுகளைக்கொண்டு பள்ளிக்கல்வி இயக்குநர் மற்றும் இணை இயக்குநர்களுடன் மாவட்ட குழுக்களை இணைக்கும் வகையில் இணையவழிக் கூட்டங்கள் நடத்துதல்
👉சிறப்பாகச் செயல்பட்ட ஆசிரியரின் செயல்பாடுகள் சார்ந்த (புகைப்படங்கள், காணொளிகள், நூல்கள், PDF, Audio, Video) போன்றவற்றைத் தொகுத்து அறிக்கைகளாகப் பெறுதல்
👉கற்றல் கற்பித்தல் வழிகாட்டுதல் குழுவானது பொதுத்தேர்வின் தேர்ச்சி விழுக்காட்டை மட்டும் இலக்காகக் கொள்ளாமல் சராசரி மதிப்பெண்களை உயர்த்துவதை இன்றியமையாத நோக்கமாகக்கொண்டு செயல்பட ஊக்குவித்தல்
👉NAS, PGI, SLAS, ASER உள்ளிட்ட மதிப்பீடுகளில் நம் தமிழ்நாடு மாணவர்களின் மதிப்பெண்கள் கணிசமாக உயர்ந்து வருவதை உறுதி செய்தல்
👉NEET, JEE, CUET, CLAT, போன்ற நுழைவுத் தேர்வுகள் மற்றும் NMMS, TRUST, NTSE, தமிழ் இலக்கியத் திறனறி தேர்வு போன்ற திறனாய்வு, உதவித்தொகைத் தேர்வுகளின் முக்கியத்துவம் குறித்த விழிப்புணர்வினை இக்குழு மூலம் அனைத்து ஆசிரியர்களுக்கும் மாணவர்களுக்கும் ஏற்படுத்துதல்
👉மேற்காண் அனைத்துச் செயல்பாடுகளிலும் மாநில, மாவட்ட, வட்டாரக் குழுக்கள் முன்னின்று ஒருங்கிணைத்திடவும், கற்றல் கற்பித்தல் வழிகாட்டுதல் குழுவின் செயல்பாடுகள் படிப்படியாக முன்னேற்றம் பெறவும், 2026-27 ஆம் கல்வியாண்டில் 6 முதல் 12 வகுப்புகளுக்கான கற்றல் அடைவுகள் முழு இலக்கினை எட்டுவதற்கு மாவட்ட/வட்டார பாட ஒருங்கிணைப்புக் குழு உறுப்பினர்களை (இணைப்பு-2) அவர்தம் பள்ளியிலிருந்தே பணிபுரிந்திட, இணைப்பிலுள்ள படிவத்தில் பூர்த்தி செய்திடவும் அறிவுறுத்துமாறு அனைத்து மாவட்ட முதன்மைக் கல்வி அலுவலர்கள் கேட்டுக்கொள்ளப்படுகிறார்கள்.
👉மாவட்ட அளவிலான பாட மற்றும் நிருவாக குழு உறுப்பினர்கள்
1. ஒவ்வொரு மாவட்டத்திற்கும் உயர்நிலை அளவில் 5 பாடத்திற்கு 5 தலைமை ஆசிரியர்கள்
2. ஒவ்வொரு மாவட்டத்திற்கும் 6 முதல் 10 வகுப்பு வரை 5 பாடத்திற்கு 10 ஆசிரியர்கள்
3. ஒவ்வொரு மாவட்டத்திற்கும் மேல்நிலை அளவில் 12 பாடங்களுக்கு 12 தலைமை ஆசிரியர்கள்.
4. ஒவ்வொரு மாவட்டத்திற்கும் மேல்நிலை அளவில் 12 பாடங்களுக்கு 24 ஆசிரியர்கள்.
👉வட்டார அளவிலான பாட ஒருங்கிணைப்புக் குழு உறுப்பினர்கள்
1. ஒவ்வொரு வட்டாரத்திற்கும் உயர்நிலைப்பள்ளி அளவில் தலைமை ஆசிரியர் ஒருவர் மற்றும் பாடத்திற்கு இரண்டு ஆசிரியர்கள்
2. ஒவ்வொரு வட்டாரத்திற்கும் மேல்நிலைப்பள்ளி அளவில் தலைமை ஆசிரியர் ஒருவர் மற்றும் பாடத்திற்கு ஒரு ஆசிரியர் (12 பாடங்கள்)
இவ்வாறு அந்த அறிக்கையில் கூறப்பட்டுள்ளது மேலும் இது குறித்த விவரங்கள் வேண்டுவோர் கீழே உள்ள லிங்க் மூலம் சென்று இயக்குனரின் செயல்முறைகள் PDF பதிவிறக்கம் செய்யவும்
👇
