NMMS MATHS இலவச கையேடு வெளியீடு
ராமநாதபுரம் மாவட்டம் கடலாடி ஒன்றியம், ஆதம்சேரி நடுநிலைப்பள்ளி ஆசிரியர் திரு.மோகன் தலைமையிலான 20 ஆசிரியர்கள் குழு 8 வகுப்பு மாணவர்களுக்கு தேவையான NMMS MATHS கையேடு உருவாக்கினார்கள்.
இந்த புத்தகத்தினை பள்ளிக்கல்வித்துறை அமைச்சர் கரங்களால் வெளியிட்டு மாணவர்களுக்கு இலவசமாக வழங்கிட வேண்டும் என்ற கோரிக்கையினை தென்காசி மாவட்டம் கரிசல்குடியிருப்பு ஊராட்சி ஒன்றிய நடுநிலைப்பள்ளி அறிவியல் பட்டதாரி ஆசிரியர் தனது நண்பர்களான சென்னை வேளச்சேரி அரிமா சங்கம் இன்னோவேடிவ் ப்ராஜெக்ட் தலைவர்கள் திரு.ஹரி கிருஷ்ணன், திரு.செல்வகுமார், ப்ராஜெக்ட் ADVISOR திரு.வெங்கட்ராமன் ஆகியோரிடம் வைத்தார்
அந்த புத்தகம் சென்னை வேளச்சேரி அரிமா சங்கத்தின் திரு.வெங்கட்ராமன், திரு.ஹரிகிருஷ்ணன், திரு.செல்வக்குமார் சீரிய முயற்சியினால் 02.09.2023 அன்று தமிழ்நாடு பள்ளிக்கல்வித்துறை அமைச்சர் மாண்புமிகு அன்பில் மகேஸ் பொய்யாமொழி அவர்களின் திருக்கரங்களால் வெளியிடப்பட்டது. முதல் புத்தகத்தை சென்னை அடையார் ஆனந்த பவன் முதன்மை இயக்குனர் திரு. K.T. சீனிவாஸ ராஜா பெற்றுக்கொண்டார்.
இந்த புத்தகத்தினை தயார் செய்யும் குழுவிற்கு ஒருங்கிணைப்பாளராக செயல்பட்டவரும், கடந்த 15 ஆண்டுகளுக்கும் மேலாக NMMS தேர்வினை மாணவர்களுக்கு இலவச பயிற்சி மூலம் மாநிலம் முழுவதும் கொண்டு சேர்ந்தவரும், NMMS தேர்வுக்கு தேவையான MAT புத்தகத்தை வெளியிட்டவருமான ராமநாதபுரம் மாவட்டம் கடலாடி ஒன்றியம், ஆதம்சேரி நடுநிலைப்பள்ளி ஆசிரியர் திரு.மோகன் அவர்களுக்கு அவரின் தொடர் சேவையை பாராட்டி "அர்ப்பணிப்பு ஆசிரியர்" விருது வழங்கப்பட்டது.
புத்தகம் வெளியீட்டில் உதவிய தென்காசி மாவட்டம் வாசுதேவநல்லூர் ஒன்றியம் வட்டாரக்கல்வி அலுவலர் திரு.மாரியப்பன், தென்காசி ஒன்றியம் 13வது வார்டு நடுநிலைப்பள்ளி ஆங்கில ஆசிரியர் திரு.வின்சென்ட் அவர்களுக்கும் சான்றிதழ் மற்றும் நினைவு பரிசு வழங்கப்பட்டது.
NMMS MATHS GUIDE உருவாக்கிய அனைத்து ஆசிரியர்களுக்கும் சான்றிதழ் மற்றும் நினைவு பரிசு வழங்கப்பட்டது
ஏற்கனவே NMMS தேர்வுக்கு தேவையான அறிவியல், சமூக அறிவியல் புத்தகம் திரு.மோகன் தலைமையிலான ஆசிரியர்கள் குழுவினரால் உருவாக்கப்பட்டு இதே வேளச்சேரி அரிமா சங்கம் மூலம் அமைச்சர் கரங்களால் வெளியிடப்பட்டு தமிழகம் முழுவது இலவசமாக மாணவர்களுக்கு வழங்கப்பட்டு மாணவர்களின் பயன்பாட்டில் உள்ளது
NMMS தேர்வு எழுதும் மாணவர்களுக்கு கணக்கு கையேடு இல்லாதது பெரிய குறையாக இருந்தது தற்போது அது சென்னை வேளச்சேரி அரிமா சங்கத்தின் மூலமும், நமது ஆசிரியர்கள் குழு மூலமும் நிறைவேறியுள்ளது.
தற்போதும் மாநிலம் முழுவதும் இந்த புத்தகம் இலவசமாக வழங்கப்பட உள்ளது
மாணவர்களுக்கு தேவையான அறிவியல், சமூக அறிவியல் கையேடு வழங்கப்பட்ட பிறகு NMMS தேர்வில் மாணவர்களின் தேர்ச்சி சதவீதம் Cut off மதிப்பெண்கள் உயர்ந்துள்ளது கடந்த ஆண்டு தேர்வு முடிவு மூலம் தெரியவந்துள்ளது
இந்த கணக்கு கையேடு மூலம் மாணவர்களுக்கு தேவையான NMMS MATERIAL முழுமையாக கிடைக்கும்.
இந்த புத்தகத்தின் மின்பதிப்பு மாண்புமிகு அமைச்சர் முலம் அன்றே வெளியிடப்பட்டது Pdf வடிவில் உடனடியாக பயன்பாட்டிற்கு வந்தது
தொடர்ந்து கல்விப்பணியில் மாணவர்கள் நலனுக்கு உதவி வரும் சென்னை வேளச்சேரி அரிமா சங்கம்
Innovative chairman Mr.Harikrishnan,
Co.Chairman Mr.Selvakumar,
Ex.president Mr.Venkatraman
ஆகியோருக்கு ஆசிரியர்கள் மாணவர்கள் சார்பாக நன்றி தெரிவிக்கப்பட்டது
No comments:
Post a Comment